Pejë: Nxënësit e SH.M.L.E “Ali Hadri” njoftohen me punën e Agjencisë për Ndihmë Juridike Falas
Prishtinë
08/04/2024
Me datë 04 dhe 05 Prill 2024, nxënësit nga drejtimi Juridik të Shkollës së Mesme të Lartë Ekonomike “Ali Hadri” Pejë u njoftuan më nga afër lidhur me punën e Agjencisë për Ndihmë Juridike Falas - Zyres Rajonale për Ndihmë Juridike Falas Pejë.
Ata u pritën nga zyrtarët e ZRNJF-Pejë, znj. Fane Berdynaj dhe z. Blerim Shala të cilët i njoftuan më shumë për mandatin e Agjencisë, shërbimet që ofron, kriteret që duhet plotësuar për përfitimin e ndihmës juridike falas, kategoritë e veqanta të përfituesve, procedurat e aplikimit etj. Njëherit i shpërndanë fletushka me informata për Agjencinë si i vetmi institucion nëpërmjet të cilit sigurohet qasja efektive në drejtësi për qytetarët të cilët nuk kanë mjete të mjaftueshme financiare.