Sesione trajnimi në fushën civile për zyrtarët e ANJF-së dhe OJQ-të partnere
Prishtinë
18/06/2024
Gjatë muajit Qershor zyrtarë nga Agjencia për Ndihmë Juridike Falas dhe nga OJQ-të partnere morën pjesë në një seri sesione trajnimi 5 (pesë) ditore, të cilat u përqendruan në fusha kryesore brenda të drejtës civile si: e drejta e trashëgimisë dhe e drejta pronësore, procedura kontestimore, e drejta e punës, procedura përmbarimore dhe ndërmjetësimi dhe e drejta familjare. Metodologjia e trajnimit ishte e karakterit të kombinuar, me shpjegime teorike dhe diskutime interaktive.
Këto sesione do të shërbejnë për të përmirësuar aftësitë dhe ekspertizën e zyrtarëve, duke i fuqizuar ata që të shërbejnë në mënyrë efektive tek të gjithë qytetarët, veçanërisht tek grupet e margjinalizuara. Trajnimet e tilla kanë për synim që të kontribuojnë në një sistem drejtësie më të qasshëm dhe të drejtë në Kosovë.
Ky trajnim u mbështet nga Gjermania dhe u zbatua nga GIZ Kosovo, ndërsa u realizua në bashkëpunim me Akademinë e Drejtësisë.
