Me datë 08 Dhjetor 2023, në kuadër të kampanjës globale “16 ditët e aktivizmit kundër dhunës me bazë gjinore” me ftesë të Komunës së Istogut, zv.Drejtorja Ekzekutive znj. Flutura Berbati Zena ka nënshkruar Marrëveshjen e Bashkëpunimit për Institucionalizimin e Mekanizmit Komunal Kundër Dhunës në Familje dhe mënyrën e funksionimit të tij në komunën e Istogut.
Pjesë e kësaj ceremonie ishin edhe përfaqësues nga Policia e Kosovës, Gjykata Themelore, Prokuroria, Qendra për Punë Sociale, Zyra e punësimit, Drejtoria e Arsimit, Drejtoria e Shëndetësisë, Drejtoria e Mirëqenies Sociale, Zyra për Mbrojtje të Viktimave, Zyra për Barazi Gjinore në komunën e Istogut dhe Qendra e Shëndetit Mendor.
Qëllimi i nënshkrimit të kësaj marrëveshje është përmirësimi i nivelit të sigurisë dhe efikasitetit për parandalimin, trajtimin dhe riintegrimin e rasteve të dhunës në familje, duke siguruar në vazhdimësi mirëqenie për personat që janë viktima të dhunës në familje, përmes institucionalizimit të Mekanizmit Koordinues dhe monitorimit të zbatimit të politikave.