Me 30 qershor 2020, Agjencia për Ndihmë Juridike Falas (ANJF) nën udhëheqjen e znj. Anita Alaj Kaslanderi Drejtore Ekzekutive-zv dhe me mbështetjen e Activitetit të USAID Drejtësia Vlen, organizoi një takim koordinues virtual me akterë të ndryshëm të sistemit të drejtësisë, organizata të shoqërisë civile dhe institucione tjera relevante.
Qëllimi i takimit fillestar koordinues, ishte që të diskutohen dhe të adresohen prioritetet dhe sfidat e identifikuara të Agjencisë për Ndihmë Juridike Falas, në mënyrë që të nxitet bashkëpunimi ndërinstitucional dhe të kumtohen rezultatet e reformave me akterët e tjerë të sistemit të drejtësisë.
Pjesëmarrës në takim ishin z. Selim Selimi, Ministër i Ministrisë së Drejtësisë, znj. Afërdita Bytyqi, Kryetare e Gjykatës Themelore në Prishtinë, z. Florim Shefqeti, Drejtor Ekzekutiv i Odës së Avokatëve të Kosovës, Z. Basri Kastrati, Menaxher i Zyrës për Mbrojtjen dhe Ndihmën e Viktimave, znj. Hidajete Vokshi, Ministria e Punës dhe Mirëqenies Sociale, znj. Fahrije Lutfiu, Policia e Kosovës, z. Lendrit Qeli, Zyra për Komunitet dhe Kthim, znj. Rrona Berisha, GIZ, znj. Edona Ahmetaj, Aktiviteti i USAID-it Drejtësia Vlen.
Të pranishmit u pajtuan që takimet e tilla të mbahen së paku dy herë në vit dhe të ftohen edhe akterë, institucione dhe organizata të tjera.