Me datë 26-27 Tetor 2023, zyrtarë nga Agjencia për Ndihmë Juridike Falas ishin pjesëmarrës në Seminarin “Të drejtat themelore në Bashkimin Evropian: Parimet kryesore dhe sfidat bashkëkohore”, i cili u mbajt në Institutin Evropian të Administratës Publike (EIPA) – Qendra Evropiane për Gjyqtarët dhe Juristët në Luxembourg.
Gjatë këtij seminari pjesëmarrësit u njohën me sistemin ligjor dhe politik që BE-ja ka krijuar gjatë viteve për të mbrojtur dhe promovuar të drejtat themelore, deri në atë pikë ku të drejtat themelore janë bërë të rëndësishme për të gjitha aspektet e aktiviteteve ekonomike dhe sociale në Bashkimin Evropian.