Në kuadër të shënimit të fillimit të Javës së Ndihmës Juridike Falas, z. Faton Jashari, U.D Drejtor Ekzekutiv në Agjencinë për Ndihmë Juridike Falas dhe z. Anton Nrecaj, Këshilltar Ligjor në Qendren për Ndihmë Ligjore dhe Zhvillim Rajonal (CLARD) janë të ftuar në emisionin e mëngjesit në RTK.
Gjatë intervistës po prezantohen shërbimet e ndihmës juridike falas që ofrohen për qytetarët, aktivitetet që do të zhvillohen në kuadër të Javës së Ndihmës Juridike Falas si dhe rëndësia e informimit dhe qasjes së barabartë në drejtësi për të gjithë.
Informimi i qytetarëve mbetet një nga prioritetet kryesore të Agjencisë për Ndihmë Juridike Falas, me qëllim që secili qytetar të njohë dhe të ushtrojë të drejtat e tij.