Gjatë muajit Shtator zyrtarë nga Agjencia për Ndihmë Juridike Falas dhe nga OJQ-të partnere morën pjesë në një seri sesione trajnimi 5 (pesë) ditore, të cilat u përqendruan në fusha kryesore brenda të lëmisë penale si:
• Zbatimi i Ligjit me të favorshem, Shkaqet e Përjashtimit të Kundërligjshmerisë, Pjesa e Posacme e së Drejtës Penale dhe Veprat Penale kunder integritetit Seksual.
• Cilësia e kryerësve – kuptimi i personit zyrtar dhe Politika ndëshkimore për veprat penale të korrupsionit, Bashkëpunimi në kryerjen e veprës penale si dhe veprat penale nga Kapitulli XXVI, Kapitulli XXIII, Kapitulli XXX dhe Kapitulli XXIX të KPK-së.
• Fazat e procedurës penale, Aktakuza, shqyrtimi gjyqësor dhe arsyetimi i aktgjykimit.
• Mjetet juridike dhe procedurat e veçanta.
• Parimet e drejtësisë për të mitur si dhe Masat dhe Dënimet ndaj të miturve.
Metodologjia e trajnimit ishte e karakterit të kombinuar, me shpjegime teorike dhe diskutime interaktive. Këto sesione do të shërbejnë për të përmirësuar aftësitë dhe ekspertizën e zyrtarëve, duke i fuqizuar ata që të shërbejnë në mënyrë efektive tek të gjithë qytetarët, veçanërisht tek grupet e margjinalizuara. Trajnimet e tilla kanë për synim që të kontribuojnë në një sistem drejtësie më të qasshëm dhe të drejtë në Kosovë.
Ky trajnim u mbështet nga GIZ Kosovo, ndërsa u realizua në bashkëpunim me Akademinë e Drejtësisë.