Në kuadër të Javës së Ndihmës Juridike Falas, me 19 dhe 20 Qershor 2025, znj.Zana Bikliqi Bërbatovci, Zyrtare e Lartë për Ndihmë Juridike në Zyrën Mobile për Ndihmë Juridike Falas në Shtime, realizoi takime zyrtare me përfaqësues të institucioneve lokale dhe organizatave joqeveritare:
– Z.Qemajl Aliu – Kryetar i Komunës së Shtimes,
-Znj.Drita Bytyqi – Zyrtare policore në Njesinë për dhunë në familje/Stacioni Policor Shtime,
– Qendra për mbrojtjen e grave dhe fëmijëve “Shtëpia ime”- Ferizaj
Takimet u fokusuan në:
-Vazhdimin e bashkëpunimit ndërinstutcional në mes të institucioneve dhe Zyres Mobile për Ndihmë Juridike Falas në Shtime,
– Shkëmbimin e të dhënave kyçe që ndihmojnë në informimin e qytetarëve,
– Rolin dhe rëndësinë e ANJF-së dhe institucioneve në rrugëtimin e përbashkët për lehtësimin e problemeve juridike të qytetarëve.
Takime dhe vizita të tilla janë gjithmonë frytdhënëse dhe i kontribuojnë përmirsimit të shërbimeve që këto institucione ofrojnë.